Naat Sharif

Piyaaray Nabi tashrif jo laaey
Rehmat e aalam ban ker aaey

Ziker e Nabi phir main kerta hon
Baad e saba ab jhoom ker aaey

Allah Allah! Rab ka piyara
Jo ki sukhi roti khaaey

Bay-kas aur yateemon kay ghar
Dana pana khud pohnchaaey

Jahil o hashi diwanoon ko
Deen e Khuda ki baat btaey

Deen kay dushman pather maaren
Paishaani per bal nah aaey

Dushman aaey qatil ban ker
Deen ki dolat lay ker jaaey

Aap ki azmat SubhanAllah
Rooh e amen bhi der peh aaey

Chaan isharay say ho tukray
Dooba suraj phir laut aaey

In ki Naat biyaan ho kis say
Arsh e bareen say jo ho aaey

Meray Khuda tu Rood e Nabi per
Rehmat ki baarish bersaaey

Piyaaray Nabi kay naqsh e qadam ko
Shabman choomay jannet paaey